ЗША пачалі найбуйнейшыя за 40 гадоў глабальныя вайсковыя вучэнні

• 3.08.2021, 14:20

У першым раундзе глабальных вучэнняў возьмуць удзел толькі амерыканскія сілы.

Вайскова-марскія сілы ЗША ў аўторак далі старт глабальным вучэнням LSE 2021 (Large Scale Exercise 2021), якія пройдуць у 17 гадзінных паясах і стануць найбуйнейшымі з халоднай вайны.

У манеўрах, беспрэцэдэнтных у маштабе з 1981 года, возьмуць удзел 25 тысяч жаўнераў, а таксама авіяносцы, субмарыны, авіяцыя і дроны, якім трэба будзе адпрацаваць рэагаванне пагрозы ў розных канцах свету і хуткае пераключэнне з марскога тэатра ваенных дзеянняў на наземныя.

Мэта вучэнняў - прадэманстраваць рашучасць і магчымасці NATO ва ўмовах стратэгічнага супрацьстаяння, заявіла ў аўторак камандаванне Шостага флоту ЗША.

Як паведамляе Stars and Stripes, у інтэграваных манеўрах будуць задзейнічаныя 36 баявых караблёў: акрамя авіяносцаў і субмарын, ЗША падключаць ракетныя крэйсеры, эсмінцы і вялікія дэсантныя караблі, часткі марской пяхоты са складу пяці аператыўных флатоў і трох экспедыцыйных дывізій.

Мэта вучэнняў - паслаць сігнал аб тым, што ЗША могуць адначасова адказваць на выклікі ў Чорным моры, усходнім Міжземнамор'і, а таксама ў Паўднёва-Кітайскім моры, перарываючы спробы разарваць на часткі амерыканскія сілы і пры гэтым захоўваючы здольнасць перакрываць апаненту доступ у мора, у асаблівасці ва ўсходняй частцы Ціхага акіяна, адзначае прафесар вайскова-марской стратэгіі вучэльні ВМФ у Нью-Порце Джэймс Холмес.

Акрамя таго, падчас вучэнняў плануецца праверыць аператыўныя метады, звязаныя са зніжэннем значнасці вялікіх караблёў.

«У нейкім сэнсе мы вяртаемся да прынцыпаў Другой сусветнай вайны, калі ў нас было шмат недарагой і дастаткова добрай тэхнікі, якую мы маглі часткова страціць і пры гэтым прадаўжаць (баявыя дзеянні)», - заявіў Холмс.

У першым раундзе глабальных вучэнняў возьмуць удзел толькі амерыканскія сілы. У далейшым плануецца падключэнне хаўруснікаў.