Віктар Бабарыка: Супраціўляйцеся!

• 26.08.2021, 21:12

Цяпер шмат што залежыць ад пасіўнай большасці.

Жыхарка Гомеля атрымала 26 жніўня адказ на свой ліст, адпраўлены ў калонію Віктару Бабарыку. Копіяй ліста яна падзялілася з БелаПАН.

«Ваша дапамога для тых, хто цяпер у ізаляцыі, вельмі простая: рабіце паводле сумлення. Не адседжвайцеся і не бойцеся казаць праўду. Цяпер шмат што залежыць ад пасіўнай большасці. Не будзьце абыякавыя. Супраціўляйцеся! І памятайце: будучыня залежыць ад Вас. Канкрэтна ад кожнага чалавека. Поспеху Вам! Мы – "Разам"!» – напісаў палітвязень.

Цяпер ён адбывае пакаранне ў калоніі ў Наваполацку.

6 ліпеня Вярхоўны суд асудзіў экс-кіраўніка «Белгазпрамбанка» да 14 гадоў пазбаўлення волі.