Другога беларускага трохборца знялі з Алімпіяды

• 2.08.2021, 9:05

Яго знялі праз каня.

Конь Карла Грандэ, на якім выступае беларускі вершнік Аляксандр Зелянко, зняты з Алімпійскіх гульняў праз ветэрынарныя паказанні. Пра гэта паведамляе прэс-служба міністэрства спорту Беларусі.

«Аляксандр Зелянко на Карла Грандэ не змог працягнуць выступ. Конь нашага спартоўца зняты праз ветэрынарныя паказанні», - гаворыцца ў паведамленні.

Па выніках выступлення ў трохбор'і (конны спорт) пасля другой дысцыпліны - палявых выпрабаванняў - Аляксандр Зелянко з Карла Грандэ займаў 44-е месца сярод 63 пар.

Адзначым, што раней праз сур'ёзнае захворванне свайго каня Марціні з Гульняў быў вымушаны зняцца Аляксандр Фаміноў.