У Літве затрымалі рэкордную колькасць мігрантаў, завезеных рэжымам Лукашэнкі

• 1.08.2021, 17:43

Літоўскія памежнікі затрымалі 216 нелегалаў.

У нядзелю, 1 жніўня, мяжу Літвы перайшла рэкордная колькасць нелегалаў з Беларусі.

Пра гэта паведамляе "Еўрапейская праўда" са спасылкай на Delfi.

З поўначы да 13 гадзінаў 1 жніўня памежнікі затрымалі 216 нелегалаў. Да гэтага часу рэкорд быў 171 чалавек за дзень. Калі плынь не зменшыцца, да канца гэтага дня затрымаюць 300-400 чалавек.

Прадстаўнік Службы аховы дзяржаўнай мяжы Гедрус Мішуціс сказаў, што ніякай сістэмы не засталося - калі раней нелегалы зазвычай пераходзілі мяжу ўначы і там, дзе няма відэакамер, то цяпер яны ідуць праз усе адцінкі і ў кожную часіну.