Ціманоўская - аб названай у НАК прычыне яе адхілення ад удзелу ў АГ: Гэта няпраўда, мяне не аглядалі лекары

• 1.08.2021, 15:40

У НАК Беларусі заявілі, што лёгкаатлетку высылаюць з Токіё «ў сувязі з эмацыйна-псіхалагічным станам».

Лёгкаатлетка Крысціна Ціманоўская выказалася аб названай у НАК прычыне яе адхілення ад удзелу ў Алімпійскіх гульнях у Токіё. У НАК Беларусі заявілі, што лёгкаатлетку адпраўляюць з Токіё «са слоў лекараў, у сувязі з эмацыйна-псіхалагічным станам», паведамляе «Трибуна».

«Гэта няпраўда, мяне не аглядалі лекары», - заявіла Ціманоўская.

Раней БФСС паведамляў, што «Ціманоўскую гвалтоўна вывозяць з Токіё. Прадстаўнікі беларускай нацыянальнай каманды дэпартуюць лёгкаатлетку, ёй тэрмінова купілі квіток на самалёт, цяпер вязуць з рэчамі ў аэрапорт».