Да +32°С чакаецца ў Беларусі ў чацвер

• 7.07.2021, 21:43

Будзе пераважна без ападкаў.

Да 32 градусаў спякоты чакаецца ў Беларусі 8 ліпеня, аб'яўлены жоўты ўзровень небяспекі, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер будзе невялікая воблачнасць. Пераважна без ападкаў, толькі ўдзень месцамі па захадзе краіны пройдуць кароткачасовыя дажджы, прагрымяць навальніцы. Уначы і раніцай у асобных раёнах чакаецца слабы туман. Вецер прагназуецца паўднёва-ўсходні 3-8 м/с, пры навальніцах парывы да 14 м/с.

Тэмпература паветра ўначы складзе плюс 14-20. Удзень будзе 27-32 градусаў цяпла.

У дзённыя гадзіны ў пятніцу і суботу, 9 і 10 ліпеня, у многіх раёнах Беларусі максімальная тэмпература паветра дасягне плюс 30-34.