Велагоншчыца з Нідэрландаў адсвяткавала перамогу на фінішы ў Токіё, а потым выявілася, што яна толькі другая

• 31.07.2021, 18:14

Хвалявалася яна нядоўга – перамагла ў наступнай гонцы Алімпіяды.

Велагоншчыца з Нідэрландаў Анэмік ван Улейтэн 25 ліпеня падчас перасячэння фінішнай рысу падчас гонкі з агульным стартам пераможна ўскінула рукі. На апошніх двух кіламетрах дыстанцыі ёй удалося адарвацца ад групы пераследніц і, як яна думала, прыехаць да першага ў яе кар'еры алімпійскаму золата, піша «Медуза».

Вось толькі неўзабаве радасць змянілася расчараваннем - ван Улейтэн патлумачылі, што яна фінішавала толькі другой. У шчыльнай барацьбе з групай спаборніц яна зусім згубіла з-пад увагі аўстрыйку Ганну Кізенхофер, якая не ўваходзіла ў лік фаварытаў, але яшчэ задоўга да фінішу незаўважна ад усіх адарвалася.

Ван Улейтэн - адна з лідараў нацыянальнай каманды Нідэрландаў у шасэйных велагонках, якая, у сваю чаргу, уважаецца за адну з наймацнейшых у свеце. Да гэтага ў спартоўкі было шэсць медалёў чэмпіянатаў свету, у тым ліку тры залатыя, таму не занадта дзіўна, што яна была ўпэўненая ў сваёй перамозе.

Неўзабаве пасля гонкі ван Улейтэн заявіла, што ганарыцца алімпійскім медалём, але адчувае сябе «дзіўна». «Я падняла рукі і закрычала, думаючы, што заняла першае месца. Але потым мне сказалі, што я другая. Я ніколі не адчувала сябе так па-дурному, - сказала спартоўка.

Зрэшты, хваляваліся ван Улейтэн таксама не занадта доўга. Ужо праз тры дні яна выйшла на старт гонкі з раздзельным стартам - і перамагла ў ёй ужо па-сапраўднаму, апярэдзіўшы найбліжэйшую спаборніцу амаль на хвіліну.