З РНПЦ псіхічнага здароўя эвакуявалі 420 пацыентаў і 40 медпрацаўнікоў

• 31.07.2021, 10:38

Адбылося задымленне.

Раніцай 31 ліпеня ў адным з карпусоў РНПЦ псіхічнага здароўя адбылося задымленне. Пра гэта паведамляецца ў афіцыйным тэлеграм-канале Міністэрства аховы здароўя.

– У раёне 7 раніцы ў РНПЦ псіхічнага здароўя спрацавала сістэма пажараапавяшчэння. Дзяжурныя медыцынскія супрацоўнікі выявілі задымленне ў адным з карпусоў. На дапамогу медыкам прыбылі 9 машынаў МНС. Было эвакуявана 420 пацыентаў і 40 медыцынскіх супрацоўнікаў, – гаворыцца ў паведамленні.

Супрацоўнікі МНС знайшлі крыніцу задымлення. Праводзіцца службовае расследаванне сітуацыі. У цяперашні час пацыенты вернутыя ў свае палаты.