Літоўскія памежнікі за пятніцу затрымалі 117 мігрантаў, якія прарываліся праз Беларусь

• 31.07.2021, 10:06

Усяго з пачатку года на мяжы быў спынены 3 401 мігрант.

Літоўскія памежнікі за пятніцу затрымалі 117 мігрантаў, якія нелегальна перасеклі мяжу з Беларуссю, паведамляецца на афіцыйным статыстычным партале Літвы.

Усяго з пачатку года на мяжы быў спынены 3 401 мігрант, 2, 212 з іх назваліся грамадзянамі Іраку або мелі пацвярджальныя дакументы. Усяго затрымліваліся грамадзяне 24 краінаў.