У Анталіі лясныя пажары падабраліся да гарадоў

• 28.07.2021, 20:22

Людзей эвакуююць.

У турэцкім горадзе Манаўгат у раёне Анталіі ўспыхнулі маштабныя лясныя пажары, агонь наблізіўся да населеных пунктаў. Пра гэта паведамляе 61Saat.

Паведамляецца, што пажар узнік у выніку ўзгарання сметніка ў раёне Енікей. Агонь хутка распаўсюдзіўся пад уздзеяннем ветру.

Да тушэння пажараў прыцягнутая вялікая колькасць авіяцыі, пажарных машын і будаўнічай тэхнікі. Мясцовыя ўлады паведамляюць, што агонь распаўсюдзіўся на жылыя раёны, а жыхары некаторых раёнаў ужо эвакуяваныя.