У Беларусі селядзец, яйкі і карамелькі падаражэлі за год прыкладна на 20%

• 28.07.2021, 8:38

Інфляцыя скача галопам.

За год, чэрвень 2021-га да чэрвеня 2020-га, харчовыя тавары падаражэлі на 9,1%, паведамляе Белстат. Алей, не ўключаючы аліўкавага, падаражэў на 57%. У лідарах дадавання коштаў яшчэ і некаторая гародніна, салёны селядзец (+23%), яйкі (+19%), карамелькі (+18%).

Сярод гародніны за год больш за ўсё падаражэлі буракі (+135%), морква (+75%), свежая белакачанная капуста (+65%) і бульба (+37%).

Статыстыка паказвае, што за год падаражэлі ўсе нехарчовыя тавары, рост склаў 11,6%. Больш за ўсё выраслі кошты медыкаментаў, уключаючы прыборы медыцынскага прызначэння (+22%), дываны і дывановыя вырабы (+18%), легкавыя аўтамабілі (15%), ровары і матацыклы (+15%).