Спартоўцаў на Алімпіядзе заклікалі не кусаць медалі

• 27.07.2021, 20:29

Атлеты кусаюць медалі на фатаграфаванні пасля ўзнагароджання.

Арганізатары Алімпійскіх гульняў у Токіа звярнуліся да спартоўцаў, якія кусаюць медалі, пазіруючы з ўзнагародамі для фатаграфій. Допіс даступны ў Twitter.

Спартоўцаў жартам заклікалі не кусаць медалі, бо яны зроблены з перапрацаваных электронных прылад і не з'яўляюцца ядомымі. «Вам не трэба іх кусаць, хоць, упэўненыя, вы ўсё роўна будзеце», - гаворыцца ў звароце.

Проба золата на зуб - адзін са спосабаў выяўлення падробкі. Аднак медалі з чыстага золата ўручаліся толькі на Гульнях з 1904 да 1912 года. Сёння атлеты паўтараюць гэты жэст на фатаграфаванні пасля ўзнагароджання.