У ЕЗ 70% дарослага насельніцтва прышчапіліся хоць бы адной дозай вакцыны ад COVID-19

• 27.07.2021, 15:13

Праграма-мінімум вакцынацыі выкананая.

Еўрапейскі Звяз выканаў сваю праграму-мінімум у вакцынацыі ад COVID-19 - прышчапіць да канца ліпеня хоць бы адной дозай вакцыны 70% дарослага насельніцтва ЕЗ, паведамляе interfax.ru.

«ЕЗ стрымаў слова і выканаў сваё абавязацельства. Наша мэта палягала ў тым, каб у ліпені засцерагчы 70% дарослага насельніцтва Еўрапейскага Звязу хоць бы адной прышчэпкай. Сёння мы дасягнулі гэтай мэты. А 57% дарослых ужо маюць поўную засцярогу двайной вакцынацыяй», - заявіла кіраўніца Еўрапейскай камісіі (ЕК) Урсула фон дэр Ляен.

Яна падкрэсліла, што гэтыя лічбы ставяць Еўропу ў шэраг сусветных лідараў вакцынацыі. ЕЗ пачаў кампанію са спазненнем, але навярстаў упушчанае вельмі паспяхова.

Пры гэтым фон дэр Ляен заклікала еўрапейцаў прадаўжаць намаганні і зрабіць прышчэпку ўсім па магчымасці, таму што новы распаўсюджаны варыянт віруса «дэльта» вельмі небяспечны.

ЕЗ працягне пастаўляць вакцыны ў дастатковай колькасці, дадала яна.