Навукоўцы раскрылі сакрэт прыроджанага імунітэту

• 24.07.2021, 18:51

Іх адкрыццё дапаможа распрацаваць новыя метады лячэння аўтаімунных захворванняў.

Даследнікі з Тэхаскага ўніверсітэта і навукоўцы з Нямеччыны і Ізраіля высветлілі, якія злучэнні актывуюць бялковы комплекс, які адказвае за прыроджаны імунітэт. Вынікі даследавання апублікаваныя ў часопісе Proceedings of the National Academy of Sciences.

Як паведамляюць навукоўцы, іх адкрыццё дапаможа распрацаваць новыя метады лячэння аўтаімунных захворванняў. Яны заяўляюць, што сакрэт прыроджанага імунітэту змяшчаецца ў двух эндагенных (што выпрацоўваецца ўнутры арганізма) малекулах. Гэта мембранны бялок TLR4 і бялок MD-2. Раней механізм іх працы быў не да канца вывучаны.

Даследнікі даказалі, што ў сысуноў наяўнасць прыроджанага імунітэту залежыць ад таго, якой аказалася першая рэакцыя арганізма на трапленне ў яго інфекцыі, гэта значыць наколькі эфектыўна спрацавалі мембранныя бялкі TLR4 і MD-2.

Акрамя таго, паводле звестак біёлагаў, былі таксама выяўленыя злучэнні, якія актывуюць бялковы комплекс, - гэта сульфатыды. Яны звязваюцца з бялковым комплексам TLR4/MD-2 як ліганды, што дазваляе запусціць зваротную запаленчую рэакцыю арганізма на інфекцыю.

Усе вынікі даследавання атрыманы на лабараторных мышах. Навукоўцы будуць працягваць даследаванні, каб высветліць, ці па-рознаму рэцэптары актывуюцца ў мышэй і людзей.