Марыя Калеснікава перадала незвычайнае пажаданне

• 24.07.2021, 17:24

Яна вельмі рада, калі ёй адпраўляюць ноты.

Марыя Калеснікава - прафесійная музыка. Летась яна ўвайшла ў каманду Віктара Бабарыкі. Суд над Марыяй Калеснікавай яшчэ не пачынаўся. Цяпер палітзняволеная знаходзіцца ў менскай «валадарцы». І вельмі сумуе без музыкі.

«У турме няма музыкі - для Марыі Калеснікавай гэта сапраўднае катаванне.

Таму яна вельмі рада, калі ёй адпраўляюць ноты і яна можа прадставіць музыку ў сваёй галаве. Адпраўце ноты для Машы, ёй будзе вельмі прыемна», - вось такое паведамленне з'явілася ў Telegram-канале Віктара Бабарыкі.