Відэафакт: Як самы багаты чалавек у свеце паляцеў у космас

• 20.07.2021, 17:07

Увесь палёт доўжыўся 15 хвілін.

Самы багаты чалавек у свеце, бізнэсовец і заснавальнік Amazon, цяпер яшчэ і касманаўт. 57-гадовы Джэф Безас падняўся ў касмічную прастору на караблі New Shepard яго ж кампаніі Blue Origin.

Разам з ім на 100 км над Зямлёй падняліся ягоны брат, 53-гадовы Марк Безас, 82-гадовая астранаўтка Уолі Фанк (яна павінна была паляцець у космас яшчэ 60 гадоў таму па праграме Mercury 13, але не склалася) і 18-гадовы нідэрландскі студэнт-фізік Олівер Дэймен. Уолі і Олівер стануць самым старым і, адпаведна, самым маладым чалавекам, які пабыў у космасе.