Дальнабойнік знёс шлагбаум у пункце пропуску на мяжы Беларусі з Украінай

• 17.07.2021, 15:10

Відэафакт.

На мяжы Беларусі з Украінай кіроўца аўтацыстэрны выехаў на сустрэчную паласу руху і знёс шлагбаум у пункце пропуску Выступовічах у Жытомірскай вобласці, паведамляе nv.ua.

Адпаведнае відэа з камеры назірання апублікавала Міністэрства ўнутраных спраў Украіны.

Там распавялі, што дальнабойнік быў п'яны, бо пасля афармлення беларускімі памежнікамі наважыў ужыць алкаголь і прадоўжыць свой маршрут.

У дачыненні да парушальніка быў складзены цэлы шэраг адміністрацыйных матэрыялаў, напрыклад, за злоснае непадпарадкаванне памежнаму патрулю, парушэнне памежнага рэжыму і ПДР, што пацягнула пашкоджанне маёмасці, а таксама нецвярозае кіраванне без дакументаў і дробнае хуліганства.