У Бярозаўскім раёне загінуў 50-гадовы рабочы

• 24.06.2021, 15:49

Яго зацягнула ў транспарцёр.

Раніцай 23 чэрвеня 50-гадовы мужчына працаваў на транспартаванні збажыны з памяшкання сіласу. У нейкі момант ногі мужчыны патрапілі на шнэк і яго зацягнула ў транспарцёр, паведамляе Следчы камітэт Беларусі.

Выратаваць працоўнага не ўдалося. Ад атрыманых траўмаў мужчына загінуў на месцы. Следчыя праводзяць праверку.