У Маладзечне працоўныя мэблевай фабрыкі працуюць пры тэмпературы +40 градусаў

• 24.06.2021, 14:26

Прадукцыя прадпрыемства ідзе ў асноўным на экспарт.

У Маладзечне работнікі мэблевай фабрыкі працуюць пры тэмпературы +40 градусаў, паведамляе тэлеграм-канал «Беларусь за МКАДам».

Прадпрыемства «Мінскі Мэблевы Цэнтр (СП ММЦ ТАА) з'яўляецца самым прыбытковым у Маладзечне. Прадукцыя ідзе ў асноўным на экспарт, унутры краіны росту попыту няма. Самы буйны пакупнік - IKEA - не разумее, у якіх пякельных умовах працуюць беларусы. Незразумелай таксама застаецца пазіцыя нямецкага боку: бо прадпрыемства з'яўляецца супольным - беларуска-нямецкім.

Нагадваем, што згодна з Працоўным кодэксам Беларусі вы маеце права адмовіцца ад выканання работы, калі тэмпература паветра ў працоўным памяшканні перавысіла +33 градусы.