Кошт нафты пабіў чарговы рэкорд

• 23.06.2021, 19:47

Кошт Brent дасягаў 76 даляраў за барэль.

Цана нафты маркі Brent на таргах 23 чэрвеня дасягала 76 даляраў за барэль упершыню з кастрычніка 2018 года. На момант напісання матэрыялу кошт жнівеньскага ф'ючэрса складаў 75,68 даляра за барэль, сведчаць звесткі лонданскай біржы ICE.

Падаражанне стала чарговым рэкордам за апошнія дні: 22 чэрвеня кошт Brent узнімаўся вышэй за 73 даляры за барэль ўпершыню з траўня 2019 года. Цэны гатунку WTI 23 чэрвеня таксама раслі, да моманту падрыхтоўкі навіны складалі 73,71 даляра за барэль, а на працягу дня дасягалі 74,21 даляра.