Яшчэ адзін тэлеканал спыняе вяшчанне ў Беларусі

• 21.06.2021, 17:42

Тэлеканал RTVI спыняе трансляцыі з 26 чэрвеня.

Раней тэлеканал RTVI быў даступны ў кабельных сетках. На сайце «Космас ТБ» гаворыцца: «27 чэрвеня года заканчваецца тэрмін дзеяння дазволу на распаўсюджванне тэлепраграмы «RTVI» на тэрыторыі Рэспублікі Беларусь, што выдаецца Міністэрствам інфармацыі. У сувязі з гэтым рэтрансляцыя тэлепраграмы «RTVI» ў сетках СТАА «КОСМАС ТВ» будзе спыненая. Апошні дзень трансляцыі - 26 чэрвеня», паведамляе intex-press.by.

Нагадаем, у канцы красавіка Мінінфарм спыніў вяшчанне яшчэ дзвюх расейскіх тэлепраграм у Беларусі. Прычына тая ж - заканчэнне тэрміну дзеяння дазволаў на вяшчанне. А 12 красавіка стала вядома, што вяшчанне ў Беларусі спыняе тэлеканал Euronews.