Рынкавыя каціроўкі беларускіх еўрабондаў значна пайшлі ўніз

• 21.06.2021, 15:17

Еўразвяз даў «зялёнае святло» на ўвядзенне санкцый супраць банкаўскага сектара Беларусі.

Рынкавыя каціроўкі беларускіх еўрабондаў зніжаюцца на фоне навін аб прыняцці міністрамі ЕЗ пастановы аб санкцыях у дачыненні да Беларусі, паведамляе Yahoo! Finance.

Беларускія еўрабонды з тэрмінам абарачэння да 2031 абрынуліся за дзень адразу на 7%.

Інвестары пазбаўляюцца ад аблігацый на фоне новых санкцый.

Варта адзначыць, што сёння Еўразвяз даў «зялёнае святло» на ўвядзенне санкцый супраць банкаўскага сектара Беларусі. Раней паведамлялася, што будзе ўведзеная забарона на куплю еўрабондаў у афіцыйнага Менска.