«Шахцёр» хатні матч Лігі чэмпіёнаў супраць «Лудагорца» правядзе ў Бялградзе

• 18.06.2021, 11:49

Забарона на авіяпералёты ў Еўразвяз адбілася і на беларускім футболе.

Чэмпіён краіны «Шахцёр» правядзе першы хатні матч Лігі чэмпіёнаў не ў Беларусі. Як стала вядома football.by, балгарскі «Лудагорац» гарнякі прымуць у Бялградзе.

У сталіцы Сербіі ёсць як мінімум пяць стадыёнаў якія адпавядаюць патрабаванням УЕФА для першых раўндаў еўракубкаў: «Партызан», «Райко Міціч», «Амладзінскі», «Чукарычкі», «Обіліч».

Нагадаем, што праз прымусовую пасадку самалёта Ryanair у Менску краіны Еўразвязу закрылі неба для авіятранспарту з Беларусі.