Беларусь пачала выпрабаванні ўласнай вакцыны ад каранавіруса

• 16.06.2021, 18:27

Ці знойдуцца добраахвотнікі?

У Беларусі Рэспубліканскі навукова-практычны цэнтр (РНПЦ) эпідэміялогіі і мікрабіялогіі пачаў папярэднія выпрабаванні ўласнай вакцыны ад каранавіруса, паведамляе БелТА.

Распрацоўку доследнага ўзору плануецца скончыць да восені і запусціць у вытворчасць налета. У стварэнні вакцыны ўдзельнічаюць пяць лабараторый РНПЦ.

«Мы ўжо вызначыліся з тыпам вакцыны, распрацоўкай якой займаемся. Выбралі некалькі падыходных варыянтаў прэпарата», - заявіў загадчык лабараторыі біябяспекі Анатоль Красько.