Афіцыйна: Шэйман звольнены

• 15.06.2021, 14:01

Супольнік Лукашэнкі пакінуў сваю пасаду.

Лукашэнка падпісаў указ аб звальненні Віктара Шэймана з пасады кіраўніка спраў у сувязі з яго выхадам у адстаўку.

Віктар Шэйман - адзін з найбольш блізкіх і верных чыноўнікаў дыктатара. Шэйман быў кіраўніком спраў самазванца з 2013 года.

Ён падазраецца ў датычнасці да забойства апанентаў беларускіх уладаў у 1999 годзе - былога міністра ўнутраных спраў Юрыя Захаранкі, былога старшыні ЦВК Віктара Ганчара і бізнэсоўца Анатоля Красоўскага. Тады ён займаў пасаду Дзяржаўнага сакратара Савета бяспекі.

У тым, што Шэйман быў датычны да іх забойства, упэўнены і былы баец САХРу Юрый Гараўскі.