Пуцін: Прыйдзе калісьці абавязкова на маё месца іншы чалавек

• 14.06.2021, 19:46

Прэзідэнт РФ дапускае, што яго пераемнікам можа стаць чалавек, які крытычна ставіцца да яго.

Прэзідэнт РФ Уладзімір Пуцін у інтэрв'ю тэлеканалу NBC News распавёў якім ён бачыць свайго пераемніка на пасадзе кіраўніка Крамля. Яго тэкставая версія апублікаваная на сайце прэзідэнта Расеі.

Кіраўнік Крамля дапускае, што яго пераемнікам можа стаць чалавек, які крытычна ставіцца да яго.

«Прыйдзе калісьці абавязкова на маё месца іншы чалавек... Калі я ўбачу, што нейкі чалавек, нават калі крытычна ставіцца да нейкіх сфер маёй дзейнасці, але я бачу, што гэта чалавек з канструктыўнымі поглядамі, чалавек аддадзены краіне, гатовы пакласці на алтар айчыны не проста гады, а ўсё сваё жыццё, як бы ён ні ставіўся да мяне асабіста, я зраблю ўсё, каб такія людзі атрымалі падтрымку», - сказаў Пуцін.

Журналіст NBC News Кір Сіманс удакладніў, ці чакае кіраўнік Крамля ад свайго пераемніка такой жа абароны, як у свой час прапанаваў былому прэзідэнту РФ Барысу Ельцыну.

«Я нават не думаю пра гэта, гэта пытанні наогул трэцяраднага значэння», - адзначыў Пуцін.