У Новасібірску на АЗС здарыўся магутны пажар: відэа

• 14.06.2021, 17:42

Ёсць пацярпелыя.

21 чалавек, паводле апошніх звестак, пацярпеў пры пажары на аўтазаправачнай станцыі ў Новасібірску, восем з іх знаходзяцца ў цяжкім стане, РИА Новости паведаміла прадстаўніца абласнога Міністэрства аховы здароўя.

У Новасібірску на Гусінабродскай шашы, 60, у панядзелак загарэлася аўтазаправачная станцыя, пачаліся выбухі рэзервуараў з палівам. Пажар лакалізаваны на плошчы 1200 квадратных метраў.

«Інфармацыя пакуль толькі папярэдняя. Апошнія звесткі - 21 пацярпелы. Чатыры чалавекі адмовіліся ад шпіталізацыі, восем чалавек, паводле папярэдняй інфармацыі хуткай дапамогі, у цяжкім стане», - сказала суразмоўніца агенцтва.

У абласным Міністэрстве аховы здароўя ўдакладнілі, што многіх пацярпелых цяпер аглядаюць лекары, разглядаецца пытанне аб шпіталізацыі.