Тэкстыльныя гіганты могуць увесці санкцыі супраць Аршанскага льнокамбіната

• 14.06.2021, 9:34

Перастаць супрацоўнічаць з дзяржпрадпрыемствам могуць Kermel і Inditex.

Кіраўніца канцэрна "Беллегпрам" Таццяна Лугіна заявіла ў эфіры СТВ, што адмовіцца ад паставак у Беларусь можа французская фірма Kermel. Прадстаўнікі кампаніі, паводле слоў Лугінай, заявілі беларускім партнёрам: "Ці будзем мы пастаўляць вам валакно ў чэрвені і ліпені ці не, мы яшчэ вызначым".

Буйная гішпанская тэкстыльная кампанія Inditex, заснавальніца гандлёвых аб'ектаў, заявіла, што таксама паглядзіць, ці будуць яны ўводзіць санкцыі.

Адзначаецца, што могуць узнікнуць сур'ёзныя праблемы з пастаўкай хімічных кампанентаў.