South China Morning Post: Кітайскія кампаніі адмовяцца ад супрацоўніцтва з Беларуссю
- 13.06.2021, 12:26
Без добрых стасункаў з ЕЗ Менск - ужо нявыгадны праект для Пекіна.
У найбуйнейшай газеце Ганконга, South China Morning post, выйшла публікацыя на тэму кітайскага супрацоўніцтва з Беларуссю пасля «жнівеньскіх падзей».
Выданне піша, што многія кітайскія кампаніі адмовяцца ад супрацоўніцтва з Беларуссю, бо цяпер гэтую краіну пад санкцыямі кітайскія бізнэсоўцы больш не разглядаюць як калідор у ЕЗ.
Таксама Кітай павінен прымаць пастанову аб далейшым супрацоўніцтве з Беларуссю пасля кансультацый з Крамлём праз працяглы расейскі ўплыў на Беларусь.
Паглыбленне супрацоўніцтва з Кітаем пры цяперашняй пазіцыі ЗША азначае новыя санкцыі. Куды больш хуткія, чым у выпадку з парушэннямі правоў чалавека.
Без добрых стасункаў з ЕЗ Беларусь - ужо нявыгадны праект для кітайскай гандлёвай экспансіі.
Кітайская адмову ад далейшага інвеставання ў Беларусь ужо трансфармуецца ў фантастычныя заявы з паралельнай рэальнасці.