«Гэта тастамент?»

• 9.05.2021, 20:20

Беларусы смяюцца з падрыхтоўкі Лукашэнкі да смерці.

Сёння Лукашэнка падпісаў дэкрэт на выпадак ягонай смерці.

Нягледзячы на тое, што дакумент быў анансаваны раней, гэта выклікала бурную рэакцыю сеціва, піша «Салiдарнасць».

«Гэта тыпу тастамент?» – іранізуюць беларусы.

«Спецыяльна да 9 траўня трываў? Прымеркаваў, так бы мовіць».

«Як жа ён баіцца!»

«Будуць праведзены новыя, нармальныя выбары. А дэкрэты гэтыя сыдуць разам з тым, хто іх прыдумаў. І кропка».

Сяргей Навумчык:

«Дэкрэты і ўказы Лукашэнкі (ці на выпадак гібелі, ці на выпадак рэінкарнацыі, увогуле пра што б яны ні былі) не маюць ніякай легітымнасці. Як і падпісаныя ім міжнародныя дамовы. Не варта на гэта забывацца».