У Нямеччыне назвалі «мёртвай» угоду пра пастаўкі ў краіну расейскай вакцыны «Спадарожнік V»
- 9.05.2021, 18:43
РФ не зможа паставіць вакцыну летам праз недахоп сыравіны.
РФ не зможа паставіць у Нямеччыну ў чэрвені ці ліпені 2021 года вакцыну супраць каранавірусу "Спадарожнік V", пазней патрэба ў расейскім прэпараце адпадзе праз пашырэнне паставак іншых вакцынаў. Пра гэта 9 траўня паведаміла Bild са спасылкай на ўдзельнікаў перамоваў, піша "Гордан".
Выданне назвала ўгоду "фактычна мёртвай".
Паводле інфармацыі Bild, перамовы пра пастаўкі прэпарату ў Нямеччыну задоўжваюцца, РФ не зможа паставіць вакцыну летам праз недахоп сыравіны.
Акрамя таго, пастаўкі "Спадарожнік V" у Нямеччыну магчымыя былі б хіба што за кошт запланаваных паставак прэпарату ў Індыю. Улады ФРГ мяркуюць такі сцэнар немагчымым, беручы да ўвагі сітуацыю ў Індыі, адзначае Bild.
Выданне таксама паведамляе, што патрабаванні Еўрапейскага агенцтва лекавых сродкаў (ЕМА) да вакцыны "Спадарожнік V" для яе ўхвалення для ўжывання на тэрыторыі ЕЗ значна вышэйшыя, чым гэтага "чакалі ў Маскве".