Над Беларуссю праляцеў «цягнік» са спадарожнікаў Starlink

• 9.05.2021, 15:12

Як гэта выглядала?

Вечарам 8 траўня некаторыя жыхары Мінска заўважылі ў небе ланцужок агнёў. Гэта былі не самалёты і ўжо тым больш не НЛА, а проста партыя спадарожнікаў Starlink, паведамляе tut.by.

Нешта такое мы ўжо назіралі год таму. Нагадаем: Starlink быў распрацаваны ў 2015 годзе кампаніяй SpaceX прадпрымальнікам Ілонам Маскам для забеспячэння глабальнай перадачы інтэрнэт-трафіку. Праект прадугледжвае размяшчэнне на нізкай стацыянарнай арбіце Зямлі групы ў складзе больш чым 11 тысяч спадарожнікаў (у будучыні - з 30 тысяч)

Не так даўно кампанія запусціла яшчэ 60 новых спадарожнікаў, але мяркуючы па сэрвісе findstarlink.com, прыкладна а дзясятай вечара 8 траўня мы маглі бачыць «старую» партыю (у паведамленні на сайце гаворыцца, што найноўшую партыю не будзе «добра відаць» у нашых краях мінімум цягам наступных пяці дзён). Ланцужок агнёў будзе бачны беларусам яшчэ мінімум тры дні (сачыце за раскладам на сайце findstarlink.com).

Вось, напрыклад, як тое выглядала на відэа, выкладзеным у Instagram-блогу «ГдеХодил» (прыгледзьцеся да малюсенькіх кропак, якія міргаюць).