З'явілася відэа падзення некіравальнай кітайскай ракеты ў Індыйскі акіян
- 9.05.2021, 14:24
Аскепкі ракеты ўпалі ў раёне Мальдыўскіх выспаў.
Карыстальнікі сацсетак дзеляцца відэа неймавернага падзення ў Індыйскі акіян некіравальнай кітайскай ракеты Чанчжэн 5В, паведамляе nv.ua.
Значная частка аскепкаў згарэла ў атмасферы, аднак некаторыя з іх усё ж патрапілі ў ваду на поўнач ад Мальдываў.
Чанчжэн 5B была запушчаная 29 красавіка, каб даставіць на арбіту базавы модуль будучай касмічнай станцыі КНР.
У сувязі з тым, што праз няспраўнасці вяртанне ракеты сталася некантраляваным, спецыялісты не змаглі дакладна спрагназаваць месца яе падзення.