Беларусы Ізраіля - землякам: Верым, што неўзабаве разам адзначым перамогу над лукашызмам!

• 9.05.2021, 10:52

Акцыі прайшлі ў Ерусаліме і ў Нетаніі.

Беларусы Ізраіля з ініцыятывы супольнасці RAZAM сабраліся на акцыі салідарнасці з землякамі ў Ерусаліме і ў Нетаніі, паведамляе ТГ-канал «Баста!».

У Ерусаліме акцыя адбылася ля мемарыяла памяці 200 000 габрэйскім жаўнерам, загінулым на франтах Другой сусветнай вайны. Удзельнікі акцыі паводле габрэйскага звычаю пакінулі камяні на пліце мемарыяла.

У Нетаніі выхадцы з Беларусі прыйшлі да манумента Перамогі над нацыстамі, каб выказаць сваю падтрымку беларускаму народу.

«Мы верым, што неўзабаве RAZAM адзначым перамогу над лукашызмам! Жыве Беларусь!», - заявілі арганізатары акцый.