Каранавірус у Індыі: у краіне фіксуюць новыя «рэкорды»
- 6.05.2021, 11:53
Міністэрства аховы здароўя абнавіла статыстыку.
Сітуацыя з каранавірусам у Індыі застаецца катастрафічнай. Учора ў краіне зафіксавалі новыя рэкорды захворвання і смяротнасці, паведамляе nv.ua.
Са звестак Міністэрства аховы здароўя і сямейнага дабрабыту, за апошнія 24 гадзіны ў краіне каранавірус дыягнаставалі ў 412 262 чалавек.
Ад наступстваў захворвання памерлі 3 980 пацыентаў за дзень.
Агульная колькасць выпадкаў заражэння каранавірусаму Індыі дасягнула амаль 21,1 мільёна, смяротных выпадкаў - 230,2 тысячы.
Індыя разам з ЗША і Бразіліяй з'яўляецца адной з найбольш пацярпелых ад пандэміі краін.
Са звестак САЗ, кожны чацвёрты выпадак смерці ад COVID-19 у свеце прыпадае на Індыю.