У Барысаве на клумбе заўважылі каралеўскую змяю

• 4.05.2021, 12:41

Мясцовыя жыхары выклікалі ратавальнікаў.

2 траўня на вуліцы Ватуціна ў Барысаве на клумбе была заўважаная экзатычная змея. Мясцовыя жыхары выклікалі ратавальнікаў.

Як патлумачыў ex-press.by заводчык змей, гэта Lampropeltis triangulum elapsoides або каралеўская змяя. Належыць да роду неядавітых змей і сямейства выжовых. Асноўнае месца пражывання - Паўночная і Цэнтральная Амерыка, а таксама Мексіка.

Хутчэй за ўсё, змяя ўцякла ад гаспадароў.