У аўторак у Беларусі чакаецца да +23 градусаў

• 17.05.2021, 22:01

Будзе пераважаць воблачнае надвор'е.

Моцныя дажджы і навальніцы чакаюцца ў Беларусі 18 траўня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У аўторак будзе пераважаць воблачнае надвор'е. На большай частцы тэрыторыі краіны пройдуць дажджы, у начныя і ранішнія гадзіны месцамі чакаюцца моцныя дажджы. У асобных раёнах грымоты. Уначы і раніцай месцамі магчымы туман. Вецер будзе пераменных напрамкаў 3-8 м/с, пры навальніцах парывы да 14 м/с.

Тэмпература паветра ўначы будзе плюс 10-16 градусаў. Удзень паветра прагрэецца да 15-21 градуса, па ўсходзе - да 23 градусаў.