У Менску незамацаваная плітка трамвайнага палатна прабіла аўтобус і параніла пасажыра

• 16.05.2021, 15:03

Аўтобус рухаўся па праспекце Машэрава.

Пасажыр аўтобуса пацярпеў у аварыі, якая адбылася раніцай 16 траўня, паведамілі ў ДАІ Менска.

Паводле папярэдняй інфармацыі, кіроўца аўтобуса МАЗ рухаўся па праспекце Машэрава з боку праспекта Пераможцаў у напрамку вуліцы Крапоткіна. Пры перасячэнні трамвайных шляхоў ён наехаў на незамацаваную металічную плітку трамвайнага палатна, якая пашкодзіла салон аўтобуса.

У выніку ДТЗ пацярпеў 55-гадовы пасажыр аўтобуса. Яго даставілі ў медыцынскую ўстанову для агляду.