Польшча паскорыла выхад з карантыну

• 12.05.2021, 16:51

Варшава на тыдзень раней дазволіць адкрыццё кінатэатраў, тэатраў і канцэртных залаў.

Урад Польшчы пастанавіў скарэктаваць план выхаду з локдаўна. Пра гэта, як паведамляе onet.pl, паведаміў прэм'ер-міністр Польшчы Матэвуш Маравецкі падчас прэс-канферэнцыі 12 траўня.

Напрыклад, гаворка ідзе аб паскарэнні зняцця абмежаванняў з працы тэатраў і кінатэатраў - іх плануецца ў Польшчы адкрыць раней за намечаныя тэрміны.

Гэтыя ўстановы адкрыюцца з 21 траўня. Яны павінны будуць працаваць з абмежаваннямі на колькасць наведвальнікаў і іншымі захадамі бяспекі.

У той жа час прэм'ер заклікаў людзей не аслабляць пільнасці і асцярожна карыстацца паслабленнямі.