«Ён сказаў «Паехалі!» і ўключыў «Песняроў»
- 9.04.2021, 20:00
Касмічны карабель «Гагарын», якім кіруе беларус Алег Навіцкі, паспяхова прыстыкаваўся да МКС.
Праз 60 гадоў пасля Юрыя Гагарына знакамітае «Паехалі!» сказаў камандзір транспартнага пілатаванага карабля «Гагарын» (Саюз МС-18), касманаўт Алег Навіцкі, калі ракета адарвалася ад стартавага стала, - паведамляе Раскосмас.
У пятніцу, 9 красавіка 2021, а 10:42 са стартавай пляцоўкі касмадрома Байканур выкананы пуск ракеты-носьбіта «Саюз-2.1а». А 10:51 карабель у штатным рэжыме аддзяліўся ад трэцяй прыступкі носьбіта на мэтавай арбіце, паведамляе kp.by.
Старт, падзел прыступак і касмічнага карабля прайшлі ў штатным рэжыме. Транспартны карабель «Саюз МС-18» падляцеў да Міжнароднай касмічнай станцыі (МКС). Стыкоўка да модуля «Рассвет» адбылася а 14:05 паводле маскоўскага часу. На запісу жывой трансляцыі чуваць, што перад стартам грала песня ў выкананні беларускага ансамбля «Песняры».
Падчас экспедыцыі будуць праведзены больш за 50 навуковых даследаванняў і эксперыментаў. Таксама касманаўтам трэба будзе сустракаць на борце МКС новы расейскі модуль «Навука», запуск якога вызначаны на ліпень. Для інтэграцыі гэтага модуля з МКС Алег Навіцкі і Пётр Дубаў зробяць пяць выхадаў у адкрыты космас.
Маючы адбыцца палёт стане для Алега Навіцкага ўжо трэцім.