Медыкі назвалі ідэальныя для вячэры прадукты

• 9.04.2021, 17:22

Спецыялісты ўпэўненыя, перапынак паміж сняданкам і вячэрай не павінен быць меншы за 10 гадзін.

Кожны лекар вам скажа - здароўе ўсіх органаў стрававання залежыць ад правільнага і рэгулярнага харчавання. Але, калі са сняданкам і абедам больш менш усё зразумела, то з вячэрай людзі разабрацца пакуль яшчэ не змаглі, піша medicina.ua.

Дыетолагі ўпэўнены, перапынак паміж сняданкам і вячэрай не павінен быць меншы за 10 гадзін. Таму час вячэрняга прыёму ежы наўпрост залежыць ад таго, калі вы ўстаяце ўранку. Калі вы прывыклі снедаць а 8 раніцы, вячэраць трэба не пазней за 6 вечара, але калі звычайна вы спіце да 10, вячэрнюю трапезу можна адсунуць на дзве гадзіны. Бо заснуць на галодны страўнік - задача не з лёгкіх. Асабліва калі да гэтага вы не прывыклі адмаўляць сабе ў вячэрняй трапезе.

Акрамя таго, каб вячэра прынесла карысць, а не шкоду, неабходна правільна падабраць прадукты харчавання. Ідэальны прадукт для вячэры той, які пераварваецца блізу трох гадзін.

Катэгарычна не падыходзяць «хуткасныя» сокі, булёны і лёгкія супы, гарачы шакалад - усё гэта затрымоўваецца ў страўніку не даўжэй за гадзіну. Гэта значыць, вы прагаладаецца да таго, як заснуць. Класціся ж спаць адразу пасля вячэры таксама шкодна для здароўя.

Не пасуюць для вячэрняй трапезы стравы са смажанага мяса і печані, вяндліны, бабовых. Іх лепш замяніць такімі прадуктамі, як яйкі, салаты з нятлустай смятанай, морапрадукты, вараная бульба і да т.п.

Вячэрні прыём ежы павінен быць лёгкім, але пры гэтым змяшчаць дастаткова вітамінаў, бялку і харчовых валокнаў. Калі вельмі хочацца салодкага, можна з'есці што-небудзь з садавіны.