Гелікаптэр NASA зняў першае фота на Марсе

• 6.04.2021, 20:16

Каляровы кадр дэманструе дно марсіянскага кратэра Езера.

Гелікаптэр NASA Ingenuity, які прыбыў на Марс з ровера Perseverance, зрабіў першы здымак на чырвонай планеце. Пра гэта ў аўторак, 6 красавіка паведамілі ў касмічным агенцтве.

«Фота было зробленае 3 красавіка. Міні-гелікаптэр размяшчаўся пад марсаходам і рыхтаваўся да пасадкі на паверхню. Каляровы кадр дэманструе дно марсіянскага кратэра Езера», - гаворыцца ў паведамленні.

У NASA мяркуюць, што Ingenuity будзе пасылаць у агенцтва некалькі фота, зробленых падчас выпрабавальных палётаў.

Таксама на 12 красавіка запланаваны кіраваны палёт гелікаптэра, які стане першым лятальным апаратам на іншай планеце.