Фанаты ЦСКА вывесілі банер у гонар Ганчарэнкі

• 4.04.2021, 20:15

Беларускі спецыяліст пакінуў пасаду галоўнага трэнера каманды 22 сакавіка.

Маскоўскі ЦСКА перамог у гасцявым матчы з «Тамбовам» (2:1) у 24-м туры РПЛ. Падчас гульні заўзятары армейцаў размясцілі на трыбуне банер у гонар Віктара Ганчарэнкі, які пакінуў пасаду галоўнага трэнера каманды 22 сакавіка, паведамляе «Трыбуна».

«Душой і сэрцам за ЦСКА Масква», – напісана на банеры.

У цяперашні час галоўным трэнерам ЦСКА працуе Івіца Оліч. Ён праводзіць першы матч на чале каманды. Магчыма, Ганчарэнка ў найбліжэйшы час узначаліць іншы расейскі клуб – «Краснадар».