Рэжым звальняе беларускіх чыноўнікаў цэлымі аддзеламі

• 29.04.2021, 19:27

Усім работнікам дзяржаўнага кіравання пададзены ясны сігнал.

Звальненні былі зафіксаваныя ў Міністэрстве фінансаў, у Міністэрстве падаткаў і збораў, уключаючы звальненне намесніка міністра, у Нацыянальным цэнтры заканадаўства і прававых даследаванняў, у Нацыянальным цэнтры прававой інфармацыі Рэспублікі Беларусь і ў многіх іншых структурах:

- Міністэрства падаткаў і збораў: 19 чалавек прымусілі напісаць заяву на звальненне;

- Міністэрства фінансаў: супрацоўнікаў звальняюць адным днём за адмову ўдзельнічаць у праўладным мітынгу;

- у падатковай аднаго з раёнаў 4 чалавек прымусілі напісаць заявы на ўласнае жаданне праз палітычную пазіцыю.

Усе гэтыя гісторыі - ясны сігнал усім работнікам дзяржаўнага кіравання: рэжым клапоціцца толькі пра сябе, ён гатовы звольніць любога, калі гэта спатрэбіцца. Лукашэнка гатовы рэпрэсаваць не толькі тых, хто гатовы праяўляць грамадзянскую пазіцыю. Адзіны спосаб абараніць сябе - гэта зрабіць максімум для таго, каб наблізіць Беларусь да свабоды і дэмакратыі.