У Японіі адобрылі выкарыстанне прэпарата ад артрыту для лячэння COVID-19
- 23.04.2021, 18:12
Гэта трэці прэпарат для лячэння COVID-19 пасля рэмдэсівіра і дэксаметазона, ухвалены ў Японіі.
Міністэрства аховы здароўя Японіі ўхваліла выкарыстанне прэпарата ад рэўматоіднага артрыту барыцытыніб для лячэння каранавіруснай хваробы. Пра гэта 23 красавіка паведаміла агенцтва Reuters.
Гэта трэці прэпарат для лячэння COVID-19 пасля рэмдэсівіра і дэксаметазона, ухвалены ў Японіі.
Кампанія Eli Lilly&Co звярнулася да японскага рэгулятара з просьбай аб новым ужыванні прэпарата ў снежні 2020 года.
Барыцытыніб памяншае рэакцыю імуннай сістэмы на дзеянне ферментаў, якія спрыяюць запаленню і з'яўленню пашкоджанняў суставаў у выпадках рэўматоіднага артрыту. Прэпарат дазволены да ўжывання ў ЗША і Еўразвязе.