Заўтра ў Беларусі зноў падаражэе бензін

• 19.04.2021, 18:57

Гэта адзінаццатае змяненне цэнаў аўтамабільнага паліва сёлета.

З 20 красавіка ў Беларусі раздробныя кошты на дызельнае паліва і аўтамабільны бензін павялічацца на 1 капейку. Пра гэта паведамілі ў прэс-службе «Белнафтахіма».

З 20 красавіка кошт 1 літра бензіну АІ-92-К5-Еўра складзе 1 рубель 81 капейку, АІ-95-К5-Еўра - 1 рубель 91 капейку, АІ-98-К5-Еўра - 2 рублі 13 капеек, ДТ - 1 рубель 91 капейку.

- У красавіку 2021 года сярэдняя катыроўка нафты павялічылася ў дачыненні да студзеня гэтага года на 15 працэнтаў. Рост кошту паліва з пачатку года склаў 5,4 працэнта, - адзначылі ў «Белнафтахіме».

Гэта адзінаццатае змяненне цэнаў аўтамабільнага паліва сёлета. Апошні раз цана паліва змянялася 13 красавіка: дызель і бензіны падаражэлі на 1 капейку. На мінулым тыдні ў канцэрне паведамілі, што пры ўмове стабільных цэнаў нафты і курсу беларускага рубля цэны паліва ў Беларусі да канца года плануюць павялічыць на 5-6%.

Нагадаем, у 2020 годзе цэны на паліва мяняліся 16 разоў, у 2019-м - 28, годам раней - 27.