Экс-прэзідэнт Эстоніі Тоомас Ільвес прапанаваў забараніць расейцам уезд у ЕЗ
- 19.04.2021, 10:02
На кану стаіць бяспека Еўропы.
Былы прэзідэнт Эстоніі Тоомас Хендрык Ільвес прапанаваў забараніць уезд у Еўразвяз усім грамадзянам Расеі.
«Магчыма, пара зрабіць «таймаўт» для усіх - я маю на ўвазе усіх - візітаў з Расеі, - напісаў ён у Twitter. - ...> Проста замарозіць візы за выключэннем надзвычайных сямейных абставін».
Ільвес нагадаў, што да анэксіі Крыма абмяркоўвалася пытанне спрашчэння ўезду ў ЕЗ для расейцаў, і «гэтыя людзі напышліва патрабавалі бязвізавага рэжыму».
Але цяпер «на коне стаіць бяспека Еўропы, годзе», напісаў ён.
Сваім крытыкам Ільвес, які займаў пасаду прэзідэнта Эстоніі з 2006 да 2016 года, прапанаваў паглядзець расейскія ток-шоу, у тым ліку Уладзіміра Салаўёва, дзе «заклікаюць да вайны, да таго, каб забіваць украінцаў, пакараць Захад».
«Калі Расея атакуе Украіну і ўрываецца (на яе тэрыторыю) - а пра гэта сведчаць транспартныя падрыхтоўкі і шум у прайм-тайм на ТВ - пытанне віз будзе абмяркоўвацца ў Еўропе, - запэўніў Ільвес. - Са мной ці без мяне».