70 святароў хадайнічаюць за палітзняволеную Вольгу Залатар
- 18.04.2021, 21:41
Вольга Залатар - маці пяцярых дзяцей.
Два каталіцкія святары напісалі паручыцельствы за палітзняволеную Вольгу Залатар, каб яе выпусцілі з турмы. Адзін з іх - ксёндз Аляксандр Фаміных, пробашч парафіі, да якога належыць Вольга.
Таксама было складзена два хадайніцтвы ў Следчы камітэт аб спыненні крымінальнага пераследу Залатар, якія сумарна падпісалі блізу 70 каталіцкіх святароў. Пра гэта паведамляе ксёндз Вячаслаў Барок у выпуску свайго відэаблогу, прысвечанага Вользе, піша тэлеграм-канал «Хрысціянская візія».
Вольга Залатар тройчы пісьмова прасіла дазволу на сустрэчу са святаром, але ёй не дазваляюць нібыта за адмову супрацоўнічаць са следствам.