Матэвуш Маравецкі: У Польшчы калектыўны імунітэт можа з'явіцца праз два месяцы

• 16.04.2021, 16:20

Ёсць рэальны шанец перамагчы пандэмію.

Прэм'ер-міністр Польшчы Матэвуш Маравецкі заявіў, што цяпер у Польшчы ёсць рэальны шанец перамагчы пандэмію, але ўсе грамадзяне павінны зрабіць прышчэпку. У Польшчы на сённяшні дзень існуе больш за 7 тысяч пунктаў вакцынацыі, стала вядома сайту Charter97.org з прэс-канферэнцыі кіраўніка польскага ўрада.

Са слоў прэм'ер-міністра, калі колькасць прышчэпак будзе штодня нарошчвацца, то калектыўны імунітэт можа з'явіцца менш чым за два месяцы. Маравецкі дадаў, што да канца другога квартала ў Польшчы, паводле папярэдніх звестак, будзе зроблена больш за 23 мільёны прышчэпак.

На сёння ў краіне зрабілі блізу 8,4 мільёна прышчэпак. Яшчэ на мінулым тыдні колькасць тых, хто атрымаў прышчэпку абедзвюма дозамі вакцыны, перавысіла 2 млн.