Кошту нафты спрагназавалі падзенне да 10 даляраў

• 15.04.2021, 18:13

Калі гэта можа адбыцца?

Да 2050 года кошт нафты можа ўпасці да 10 даляраў за бараль, калі свет здолее дасягнуць мэтаў Парыжскага пагаднення і перайсці на электраэнэргію. Такі прагноз зрабілі аналітыкі кансалтынгавай кампаніі Wood Mackenzie, якая займаецца даследаваннямі ў галіне энэргетыкі. Пра гэта паведамляе CNBC.

Аналітыкі падлічылі, што да сярэдзіны стагоддзя попыт на нафту можа ўпасці на 70 адсоткаў у параўнанні з цяперашнім. Прычым падаць ён пачне ўжо ў 2023-м, а потым рэзка паскорыцца. Эксперты мяркуюць, што да 2030 года кошт эталоннай Brent апусціцца да 37–42 даляраў за бараль, а праз два дзесяцігоддзі за бочку і зусім будуць даваць 10 даляраў.

Раней у красавіку расейскае Мінэнэрга прадказала пік сусветнага попыту на нафту. Яго чакаюць не раней за 2030–2035 гады, аднак усё горш узмацняюцца рызыкі ягонага надыходу ў больш ранні перыяд і істотнага скарачэння тэмпаў росту сусветнага попыту на нафту ў 2020-я гады. Ва ўстанове мяркуюць, што такія рызыкі вырастаюць праз наступствы пандэміі каранавірусу, якая негатыўна паўплывала на спажыванне нафты і нафтапрадуктаў.